Home Forums FAMILY ISSUES Mismatch between Relationships Reply To: Mismatch between Relationships

#1342
radhey
Participant

Dost sabse pehli baat to ye hai ki yeh platform majak uddane k liye nahi banaya gaya. Ye banaya hi aisi problems k liye hai jo log kisi se share nahi kar pate.
Ab jaha tak aapki baat hai to ye relation koi pyar nahi hai. Ye fascination hai bus. Aapki umar aisi hai or us lady ka emotional breakup ne aise halat bana diye. Dekha jaye to jo lady suicide ki baat kar rahi thi usne vahi galti khud kardi.
Ab pehle to aap ye dekho ki kya aap shadi k liye tyar ho? Kya aapko koi dusri ladki pasand aati hai? Kya aap dusri ladki ki taraf attract hote ho? Agar en baato ka jawab ha hai to matlab saaf hai ki aapko us lady se pyar nahi hai.
Aap usse ye baat batao ki aapke ghar wale aapki shadi karne ki soch rahe hai or uska reaction dekho. Mujhe nahi lagta ki usse koi aitraj hoga. Uske reaction se andaja lagao ki vo kya chahti hai. Phir usse clearly batao ki aisi jindagi nahi chalti or ek na ek din tumhe apni jindagi bhi shuru karni hai. Kyuki ab uss baat ko time ho chuka isliye ab uske jakham bhi bhar gaye honge. Tumhe us se duri banani hogi varna is relationship ka koi natija nahi nikalega. Uske gharwalo ya bete ko pata chala to socho kaisi situation ban jayegi. So usse pyar se baat karke samjhao or aage baddo.